Einn lést í brunanum við Amtmannsstíg

Fullorðinn karlmaður lést í brunanum við Amtmannsstíg í morgun. Maðurinn var íbúi í húsinu. Hann var fluttur af vettvangi og úrskurðaður látinn. 

„Það var tilkynnt um eld þarna á níunda tímanum í morgun og það var karlmaður fluttur burt og úrskurðaður látinn,“ segir Grímur Grímsson, yf­ir­lög­regluþjónn hjá rann­sókn­ar­deild lög­regl­unn­ar á höfuðborg­ar­svæðinu í samtali við mbl.is.

Maðurinn var innandyra þegar viðbragðsaðila bar að.

„Núna er tæknideild búin að vinna sína vinnu þarna niður frá og rannsóknin tekur við, á þessum tímapunkti er ekkert meira um það að segja,“ segir Grímur um stöðu málsins. Öllum steinum sé velt við í málum sem þessum og þá sérstaklega ef einhver lætur lífið. 

Frétt af mbl.is

Bruni á Amtmannsstíg: Tveir fluttir á slysadeild

Frétt af mbl.is

Fóru strax í lífbjörgun

• Blogga um frétt