Frigg er nýr gagnagrunnur sem mun halda utan um skráningu upplýsinga um íslenska nemendur fram að háskólastigi, þvert á skóla, skólastig og landsvæði.
Í tilkynningu frá Stjórnarráðinu kemur fram að gagnagrunnurinn muni meðal annars halda utan um skráningu nemenda í, úr og milli skóla og námsárangur nemenda í Matsferli, hinu nýja samræmda námsmati, á síðari stigum.
Hingað til hafa upplýsingarnar verið vistaðar hjá mismunandi aðilum í mismunandi kerfum en stefnt er að því að opna gagnagrunninn fyrir lok þessa árs.
Gagnagrunnurinn er samstarfsverkefni mennta- og barnamálaráðuneytisins, Miðstöðvar menntunar og skólaþjónustu, Stafræns Ísland (SÍ) og Samband íslenskra sveitarfélaga (SÍS).