Í sumar hefur verið unnið að breytingum og viðhaldi á dýpkunarskipinu Álfsnesi á meðan skipið hefur legið í Ártúnshöfðahöfn.
Björgun ehf. er eigandi Álfsness og er með gildandi samning um dýpkun Landeyjahafnar. Unnið hefur verið eftir umbótaáætlun Björgunar.
Breytingarnar eru mislangt komnar en flest á að verða klárt áður en dýpkun hefst í Landeyjahöfn í haust.
„Með breytingunum ættu afköst við dýpkun að verða betri en þó er veðrið ávallt stærsta breytan í því hvernig gengur að halda Landeyjahöfn opinni,“ segir Sólveig Gísladóttir, sérfræðingur á samskiptasviði Vegagerðarinnar.
Aðgerðaáætlun Björgunar miðar að því að auka afköst Álfsness við dælingar í Landeyjahöfn. Áætlunin miðar að því að ljúka þjálfun áhafnar við rétta beitingu tæknibúnaðar skipsins til að tryggja hámarksafköst þess.
Auk þess verður ráðist í uppfærslu á tæknilegum búnaði skipsins til að auka afköst þess enn frekar.
Frekari umfjöllun má finna í Morgunblaðinu í dag.