Samið um lands- og vindorkuréttindi
Setja bókamerki
Forstjóri Landsvirkjunar undirritaði í dag samning við íslenska ríkið um lands- og vindorkuréttindi vegna Búrfellslundar.
Þetta kemur fram í tilkynningu frá Landsvirkjun en þar segir að þetta sé í fyrsta sinn sem slíkur samningur er gerður en Búrfellslundur liggur innan þjóðlendu. Gildistími samningsins er 35 ár með möguleika á framlengingu um 15 ár.
Fagnaðarefni
„Það er ákaflega ánægjulegt að samkomulag um lands- og vindorkuréttindi sé í höfn. Landsvirkjun hefur vandað mjög til verka við undirbúning Búrfellslundar og samningurinn er mikilvægur áfangi í átt að því að verkefnið verði að veruleika,“ segir Hörður Arnarson, forstjóri Landsvirkjunar.
Bjarni Benediktsson forsætisráðherra sagði við undirritunina að það væri fagnaðarefni að vindorkan verði þriðja stoðin í orkukerfi landsins.
Stjórnin tekur ákvörðun
Orkustofnun gaf út virkjunarleyfi fyrir Búrfellslund í vikunni. Í kjölfarið verður sótt um framkvæmdaleyfi til sveitarstjórnar Rangárþings ytra.
Ef það fæst tekur stjórn Landsvirkjunar endanlega ákvörðun um hvort ráðist verði í verkefnið.
„Mér finnst gamla Samfylkingin komin aftur“
Lát hjóna í Neskaupstað: Ákæra gefin út
Ný ríkisstjórn kynnt á morgun
Samfylking og Viðreisn gáfu loforð
Helgi Magnús mætir til starfa í dag
„Börn heima sem maður myndi vilja hafa í skjóli“
Víkingar komnir yfir 800 milljónir í greiðslur
Stóðu skógarþjófa að verki
