Engin mengun í vatnsbólinu

Heilbrigðiseftirlit Suðurlands er enn með til rannsóknar mögulega hópsýkingu af völdum E.coli bakteríunnar sem kom upp á Rjúpnavöllum í Rangárþingi ytra nýlega.

Frétt af mbl.is

Hópsýking til rannsóknar á Suðurlandi

Að sögn Sigrúnar Guðmundsdóttur, framkvæmdastjóra Heilbrigðiseftirlits Suðurlands, er heilsugæslan að hringja í sjúklinga til fá úr þeim sýni en á annan tug manna sem gistu á Rjúpnavöllum veiktust.

„Sýnatakan er í gangi af þeim sem veiktust og við bíðum eftir niðurstöðu úr henni. Við erum komin með niðurstöðu úr annarri greiningu á vatnsýnunum og það kom í ljós að það mældist ekki E.coli í vatnsbólinu heldur bara í lagnakerfinu á tveimur stöðum og ekki í öllum húsunum,“ segir Sigrún í samtali við mbl.is.

Frétt af mbl.is

Orsök veikindanna á huldu: Vilja sýni frá einstaklingum

Sigrún segir að um litla mengun sé að ræða og hún segir það góðar fréttir að ekki hafi mælst E.coli í vatnsbólinu. Hún segist ekki hafa nákvæma tölu yfir fjölda þeirra sem veiktust. Það sé sóttvarnalæknir sem haldi utan um það en ljóst sé að þeir séu fleiri en tíu sem veiktust.

Sigrún áætlar að niðurstöður úr sýnatöku á fólkinu liggi fyrir eftir helgina.

Frétt af mbl.is

Vissu ekki neitt í rúma viku

• Blogga um frétt