Kaldi, stinningskaldi og rigning
Setja bókamerki
Yfir norðanverðu landinu er nú alldjúp og hægfara lægð, að því er fram kemur í hugleiðingum veðurfræðings Veðurstofu Íslands.
„Henni fylgir vestlæg átt, kaldi eða stinningskaldi og rigning víða um land, en það dregur úr vætu norðvestantil þegar líður á daginn,“ segir í hugleiðingunum.
Hægari vindur og þurrt að kalla verður á Norðaustur- og Austurlandi fram eftir morgni. Síðdegis er útlit fyrir öflugar skúradembur á þeim slóðum.
Hiti á bilinu 8 til 15 stig, hlýjast á norðaustanverðu landinu.
Gola eða kaldi á morgun
Á morgun er spáð norðan og norðvestan golu eða kalda, súld eða dálítil rigning.
„Það léttir þó smám saman til á sunnanverðu landinu, víða bjart þar eftir hádegi en líkur á stöku síðdegisskúrum,“ segir í hugleiðingum veðurfræðings.
„Hiti frá 7 stigum við norðurströndina, upp í 16 stig sunnanlands.“
Spáð er áframhaldandi norðan- og norðvestanátt um helgina. Vætusamt og kalt veður um landið norðanvert, „en bjartara sunnan heiða og mildara yfir daginn þó búast megi við einhverjum skúrum.“
Var að slitna frá bryggju sökum hvassviðris
Éljagangur en síðan slydda eða rigning
Björgunarsveitir kallaðar út í nótt
Ekkert ferðaveður og vegalokanir á jóladag
Spá 13-18 stiga frosti í borginni
Strandveiðar „efnahagsleg sóun“
Segir umsókn að ESB vera óvirka