Stálheppinn gestur á þjóðhátíðinni í Vestmannaeyjum datt svo sannarlega í lukkupottinn en hann vann 37 milljónir króna í Eurojackpot.

Í tilkynningu frá Íslenskri getspá segir að gestur á þjóðhátíðinni hafi á leið inn í Herjólfsdal ákveðið að kaupa 10 raða miða í Eurojackpot með Lottó appinu. Hann valdi í fyrstu 10 raða sjálfval en ákvað að eyða síðustu röðinni og valdi afmælisdaga fjölskyldunnar sem síðustu röðina. Í gríni tjáði hann vinum sínum að þeir þyrftu ekki að hafa áhyggjur af kostnaðinum af skemmtanahaldinu í Eyjum.

Afmælisdagar fjölskyldunnar skilaði vinningnum

Eftir þjóðhátíðina fékk hann símtal frá starfsmanni Íslenskrar getspár þar sem honum var greint frá því að hann hafi unnið tæpar 37 milljónir króna. Ungi maðurinn hélt í fyrstu að um grín væri að ræða frá vinum sínum en svo reyndist ekki vera. Hann hlaut þriðja vinning í Eurojackpot og það var röðin sem hann valdi með afmælisdögum fjölskyldunnar sem skilaði honum vinningum góða.

Fram kemur í tilkynningunni að hinn heppni ætli að nýta vinninginn til að kaupa sína fyrstu íbúð en hann býr hjá foreldrum sínum og hefur verið að skoða sig um á fasteignamarkaðnum.

Tengdar fréttir

Lottóvinningshafar

Furðulega margir heppnir síðustu vikurnar

• Einn fær 9,9 milljónir
• Nældi sér í fjórar milljónir
• Nýbakaður tvíburapabbi vann 35 milljónir
• Einn vann tæpar 10 milljónir

» Fleiri tengdar fréttir

• Blogga um frétt