Skjálfti af stærðinni 3,5 varð í suðaustanverðri Bárðarbunguöskju klukkan 2.53 í nótt. Í kjölfarið urðu nokkrir minni skjálftar en engin merki eru um óróa, að því er segir í tilkynningu Veðurstofunnar.

Síðast varð skjálfti á þessum slóðum af þessari stærð 30. júní, en að sögn Veðurstofunnar hafa 15 skjálftar, 3 eða stærri, orðið á svæðinu frá áramótum. Stærstur þeirra varð 5,4 stiga skjálfti 21. apríl. 

„Er hann stærsti skjálftinn frá goslokum í febrúar 2015. Jarðskjálftar eru algengir í Bárðarbungu,“ segir í tilkynningu Veðurstofu.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir

• Blogga um frétt