Skýr merki um að eldgos geti hafist
Setja bókamerki
Skjálftavirkni og landris við Sundhnúkagígaröðina sýna nú skýr merki um að kvikuinnskot og jafnvel eldgos geti hafist hvenær sem er.
Aftur á móti, ef miðað er við síðasta eldgos, þá gæti þurft áframhaldandi kvikusöfnun í tvær til þrjár vikur til viðbótar áður en nýtt eldgos hefst.
Þetta kemur fram í tilkynningu Veðurstofu.
Segir þar að jarðskjálftavirkni hafi verið nokkuð stöðug síðustu daga og um 60 til 90 skjálftar mælst á sólarhring. Flestir skjálftanna séu smáskjálftar undir 1 að stærð á svæðinu frá Stóra-Skógfelli að Grindavík.
Þetta sé svipuð virkni og hafi verið síðustu tvær vikur.
Hélt áfram í tvær vikur síðast
Landris og kvikusöfnun hafi verið á nokkuð stöðugum hraða undanfarna daga.
Rúmmál kviku undir Svartsengi er núna áætlað meira en fyrir síðasta eldgos sem hófst þann 29. maí. Fyrir síðasta gos hélt kvikusöfnun áfram í tvær vikur eftir að fyrri mörkum var náð, þar til eldgos hófst.
Þetta eru ráðherrar ríkisstjórnarinnar
Skattamál verði líklega „þeirra mesta klemma“
Segir að verið sé að svindla á Bandaríkjunum
„Mér finnst gamla Samfylkingin komin aftur“
„Hagræðingarmál eru í fyrsta sæti“
„Þetta er ríkisstjórn almannahagsmuna“
Var engin kristnitaka árið 1000?