Á fjórða þúsund manns hafa skrifað undir undirskriftalista til stuðnings Helga Magnúsi Gunnarssyni vararíkissaksóknara, þar sem ríkissaksóknari hefur óskað eftir því að hann verði leystur af störfum vegna ummæla hans.
Björn Davíðsson er ábyrgðarmaður fyrir undirskriftalistanum sem ber heitið „Styðjum vararíkisaksóknara!“. Klukkan 22.17 að sunnudagskvöldi höfðu 3.719 skrifað undir.
„Við undirrituð skorum á dómsmálaráðherra að hafna erindi Sigríðar J. Friðjónsdóttur ríkissaksóknara um að veita Helga Magnús [þgf.] Gunnarsson [þgf.] vararíkissaksóknara lausn um stundarsakir,“ segir á island.is um undirskriftasöfnunina.
Í síðasta mánuði lagði ríkissaksóknarinn Sigríður J. Friðjónsdóttir til við dómsmálaráðherra að Helgi Magnús yrði leystur frá störfum tímabundið sökum þess að hann hefði ekki bætt ráð sitt eftir að hann var áminntur fyrir tveimur árum fyrir orðfæri sitt í opinberri umræðu.