Bjóða íbúum frítt í Vatnaveröld

Reykjanesbær býður íbúum í Hafnarfirði, Kópavogi, Álftanesi, Garðabæ, Norðlingaholti, Breiðholti, Hólmsheiði og Almannadal að nýta sér aðstöðu í vatnsleikjagarðinum Vatnaveröld án endurgjalds í næstu viku. 

Heitavatnslaust verður á þessum svæðum frá mánudagskvöldi til miðvikudags. Ástæða heita­vatns­leys­is­ins er sú að vinna stend­ur yfir að tvö­falda suðuræð, sem er flutn­ing­sæð og flyt­ur vatn frá Reyn­is­vatni og á stór­an hluta af höfuðborg­ar­svæðis­ins. Í lok þessa mánaðar verður hluti henn­ar tek­in í notk­un.

Frétt af mbl.is

Sundlaugunum lokað vegna heitavatnsleysis

Frétt af mbl.is

Heitavatnslaust á stóru svæði: Þetta þarftu að vita

Vilja endurgjalda sams konar boð

Í tilkynningu frá Reykjanesbæ segir að íbúar bæjarins vilji endurgjalda sams konar boð þegar heitavatnslaust varð á Suðurnesjum í vetur.

„Með þessu vilja íbúar Reykjanesbæjar endurgjalda sams konar boð þegar heitavatnslaust varð í nokkra sólarhringa á Suðurnesjum síðastliðinn vetur þegar hraunrennsli rauf lögnina sem flytur heitt vatn frá Svartsengi til íbúa á Suðurnesjum,“ segir í tilkynningunni.

• Blogga um frétt