Suðurnesjabær og Vogar ætla að bjóða íbúum Hafnarfjarðar, Kópavogs, Álftaness, Garðabæjar, Norðlingaholts, Breiðholts, Hólmsheiðar og Almannadals frítt í sund. Áður hefur komið fram að Reykjanesbær ætlar einnig að bjóða þessum íbúum frítt í sund. 

Heitavatnslaust verður á þessum stöðum frá klukkan 22 í kvöld, á morgun og fram til hádegis á miðvikudag. 

Í tilkynningu á vef Suðurnesjabæjar segir: „Síðasta vetur var heitavatnslaus á Suðurnesjum um nokkurra daga skeið þar sem hraun fór yfir heitavatnslög frá Svartsengi. Á þeim tíma buðu sveitarfélögin á höfuðborgarsvæðinu og víðar íbúum Suðurnesja frítt aðgengi í sundlaugar sem íbúar kunnu vel að meta.“

Tvær sundlaugar eru í Suðurnesjabæ, önnur í Sandgerði og hin í Garði. Vatnaveröld er í Keflavík.

Frétt af mbl.is

Bjóða íbúum frítt í Vatnaveröld

Þakklæti ofarlega í huga

Á vef Voga segir: „Þakklæti er okkur enn ofarlega í huga fyrir vinarþelið sem sveitarfélögin á höfuðborgarsvæðinu sýndu í verki þegar heitavatnslaust var í vetur á Suðurnesjum.“

Sundlaugin er staðsett í íþróttamiðstöð sveitarfélagsins að Hafnargötu 17. 

Réttilega er þar bent á að það taki ekki nema 20 mínútur að skjótast á bíl frá Hafnarfirði til Voga. 

Sundlaugar í Hafnarfirði, Kópavogi, Álftanesi og Garðabæ verða lokaðar á morgun og á miðvikudag. Þá verður einnig lokað í Breiðholtslaug, Árbæjarlaug og Vesturbæjarlaug.

Tengdar fréttir

Heitavatnsleysi á höfuðborgarsvæðinu

Sundlaugar sem verður lokað vegna framkvæmdanna

• Heitavatnsleysið: Þetta þarf að passa
• Bjóða íbúum frítt í Vatnaveröld
• Sundlaugunum lokað vegna heitavatnsleysis
• Halda sumargrill í heitavatnsleysinu

» Fleiri tengdar fréttir

• Blogga um frétt