Einn er látinn eftir alvarlegt slys sem varð við Hálslón norðan Vatnajökuls í morgun.
Tilkynning um slysið barst lögreglu laust fyrir klukkan átta í morgun og var hinn slasaði úrskurðaður látinn á vettvangi.
Sjúkralið, lögregla og þyrla landhelgisgæslunnar voru send á staðinn.
Tildrög slyssins eru til rannsóknar hjá lögreglu. Frekari upplýsingar er ekki hægt að gefa að svo stöddu.
Þetta kemur fram í tilkynningu frá lögreglustjóranum á Austurlandi.