Lögheimili aðeins leyfð í íbúðabyggð

Sjónarmið sunnlenskra sveitarfélaga hefur verið að það stangist á við lög, auk þess sem flest frístundahverfin hafi alls ekki verið hönnuð miðað við annað en að vera frístundahúsabyggð. Til þess að bregðast við þessari þróun hafa sveitarfélög breytt skipulagi á nokkrum stöðum úr frístundabyggð í íbúðabyggð.

Aðrar reglur annars staðar á Norðurlöndum

Lára V. Júlíusdóttir lögmaður skrifaði nýlega grein í Morgunblaðið þar sem hún fer fram á að eigendur frístundahúsa fái rétt til að skrá lögheimili sín í húsunum og bendir á að um 70 manns í Grímsnes- og Grafningshreppi séu skráðir óstaðsettir í hús þar sem ekki fáist leyfi fyrir fastri búsetu þar. Hún bendir á að í Danmörku hafi verið lögfest að þeir sem séu komnir yfir sextugt megi búa í frístundahúsum sínum. Í Noregi og Svíþjóð séu engin slík ákvæði og fólki frjálst að hafa lögheimili þar sem það býr.

Lesa má meira um málið í Morgunblaðinu í dag