Með tvöfalt hærri tekjur en næsti forstjóri
Setja bókamerki
Guðmundur Fetram Sigurjónsson, forstjóri Kerecis, er tekjuhæsti forstjóri landsins samkvæmt úttekt Frjálsrar verslunar. Guðmundur var með liðlega 74 milljónir í mánaðartekjur á síðasta ári.
Í fyrra var Kerecis selt til danska heilbrigðisfyrirtækisins Coloplast fyrir jafnvirði tæpra 180 milljarða íslenskra króna, en Guðmundur átti stóran hlut í Kerecis.
Á eftir Guðmundi á listanum er Davíð Helgason, stofnandi Unity, með rúmlega 33 milljónir.
Árni Oddur Þórðarson, fyrrverandi forstjóri Marels, var með rúmar 17,5 milljónir á mánuði og Kári Stefánsson, forstjóri Íslenskrar erfðargreiningar, með rúmar ellefu.
Eldur Ólafsson, forstjóri Amaroq Minerals, var með rúmar níu mílljónir á mánuði og Halldór Benjamín Þorbergsson, fyrrum framkvæmdastjóri Samtaka atvinnulífsins og forstjóri Heima, var með tæpar níu milljónir í tekjur árið 2023.
Aðeins eitt sæti skilur á milli Ástu Sigríðar Fjeldsted, forstjóra Festis, og Finns Oddssonar, forstjóra Haga, en það er Gunnþór Björn ingvason, forstjóri Síldarvinnslunnar, með rúmar 5,7 milljónir á mánuði.
Finnur var líka með rúmar 5,7 milljónir og Ásta með tæpar 5,7 milljónir.
Bogi Nils Bogason, forstjóri Icelandair Group, var með rétt tæpar fimm milljónir og Birgir Jónsson, fyrrverandi forstjóri Play, var með rétt tæpar fjórar milljónir.
Greint er frá tekjum 4.000 Íslendinga í Tekjublaði Frjálsrar verslunar sem kom út í dag. Hægt er að nálgast blaðið hér. Er þar tekið fram að um sé að ræða útsvarsskyldar tekjur á árinu 2023. Þær þurfi ekki að endurspegla föst laun viðkomandi. Inn í tölunum eru ekki fjármagnstekjur.
„Mér finnst gamla Samfylkingin komin aftur“
Stormur á Þorláksmessu en víðast hvar stefnir í hvít jól
Þetta eru ráðherrar ríkisstjórnarinnar
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
„Börn heima sem maður myndi vilja hafa í skjóli“
Alvarleg netárás á Wise
Barn lést í árásinni
