Slökkviliði Fjallabyggðar barst í dag tilkynning um að eldur væri laus í atvinnuhúsnæði við Norðurgötu á Siglufirði en í færslu á Facebook-síðu slökkviliðsins segir að ljóst sé að snarræði starfsmanna fyrirtækisins og slökkviliðs hafi komið í veg fyrir að stórtjón yrði.
Í færslunni segir að slökkvistarf hafi tekið rúma klukkustund en að öryggisvakt hafi verið sett á húsið nokkru lengur.
Þá kemur fram að rannsóknin sé á forræði Lögreglunnar á Norðurlandi eystra sem reynir að varpa ljósi á upptök brunans.