Ásmundur Einar mætir í Spursmál
Setja bókamerki
Ásmundur Einar Daðason, mennta- og barnmálaráðherra, er næsti gestur Spursmála sem fara í loftið kl. 14:00 á föstudag á mbl.is.
Samræmt námsmat
Gustað hefur um ráðherrann síðustu vikur í kjölfar þess að upplýst var að miklar tafir yrðu á innleiðingu svokallaðs matsferils í grunnskólum landsins. Allt stefnir í að mörg ár líði frá því að samræmt mat á hæfni nemenda í grunnskólakerfinu var lagt af og þar til að nýtt kerfi taki við.
Í eldlínu menntamálanna
Ásmundur Einar mun ræða þetta við Stefán Einar Stefánsson og þar mun fleira bera á góma, m.a. ákvörðun um að tryggja gjaldfrjálsar skólamáltíðir í grunnskólum auk hugmynda ráðherrans um að tryggja öllum nemendum í framhaldsskólum landsins frí námsgögn.
Auk Ásmundar Einars munu mæta í þáttinn þau Eyþór Arnalds, fyrrum oddviti Sjálfstæðisflokksins í Reykjavík og Árborg og Hólmfríður María Ragnhildardóttir, blaðamaður á Morgunblaðinu og mbl.is en hún hefur leitt umfjöllun miðlanna um menntamál að undanförnu.
Fylgist með á mbl.is á föstudag og þá er einnig hægt að leggja orð í belg og koma með tillögur að spurningum fyrir ráðherrann á nýjum facebook-vettvangi Spursmála.
Svandís: Sáttmálinn „lifandi reikningsdæmi“
Gæti vel verið að áætlaður kostnaður hækki
„Ákvörðunin skiljanleg út frá þeim gögnum sem liggja fyrir“
Viðbragðsáætlun landvarða við Skaftá virkjuð
Þetta felst í uppfærðum samgöngusáttmála
„Það eru dimm ský á lofti“