Íbúar á Fáskrúðsfirði fengu glaðning frá veðurguðunum - öðru nafni veturguðunum - í dag, en þá tóku fjöllin að grána, nú um miðbik ágústmánaðar.
Þetta er óvenjusnemmt segja heimamenn miðað við að árstíðin sem nú er kallast ennþá sumar. Þó eflaust nokkuð í takt við tíðarfarið sem hefur hrellt margan Íslendinginn síðastliðna mánuði.
Má jafnvel kalla þetta rúsínuna í pylsuenda sumarsins.