Gæti vel verið að áætlaður kostnaður hækki
Setja bókamerki
Tengdar fréttir
Borgarlínan
Það gæti vel verið áætlaður kostnaður við samgöngusáttmálann, sem nú er 311 milljarðar, muni hækka. Áður hafði verið gert ráð fyrir að kostnaðurinn væri um 170 milljarðar.
Þetta segir Sigurður Ingi Jóhannsson, fjármála- og efnahagsráðherra, í samtali við mbl.is.
„Eins og kemur fram að verkefnin sem eru hvað lengst fram í tímann, þau munu örugglega vera dýrari en ef við horfum á þau í dag. Við þekkjum það að samgönguvísitala hefur hækkað um 30-35% á síðastliðnum fimm árum. Það er hluti af þessari hækkun,“ segir Sigurður.
Sum verkefni breyst
Hann segir þó að það sem útskýri að miklu leyti af hverju kostnaðaráætlunin hefur hækkað sé umbreyting einstakra verkefni.
Nefnir hann í því samhengi til dæmis að Miklabraut fer í göng en ekki stokk, Sæbraut í stokk frekar en mislæg gatnamót og annað slíkt.
Verður fjárfest fyrir 14 milljarða árlega til ársins 2029 og frá árinu 2030 fyrir 19 milljarða til ársins 2040. Gildistími sáttmálans, og þar með framkvæmdatímabil, hefur verið lengt um sjö ár, en upphaflega var gert ráð fyrir að klára verkefnið árið 2033.
Virði Keldnalands búið að þrefaldast
Sigurði þykir eðlilegt að samgöngusáttmálinn verði tekinn til endurmótunar með reglubundnum hætti og nefnir til dæmis á fimm ára fresti.
„Mér kæmi ekkert á óvart ef í þeim fasa þá muni jafnvel einhver verkefni sem við erum búin að móta núna jafnvel breytast í að stækka eða jafnvel að það bætist við verkefni.“
Þannig kostnaður gæti hækkað í framtíðinni?
„Það gæti vel verið en á móti getum við líka sagt að við lögðum til Keldnaland [árið 2019]. Við mátum það á 15 milljarða sem núna er komið í fimmtíu. Það er búið að meira en þrefaldast,“ segir Sigurður en ríkið mun selja Keldnaland til þess að fjármagna að hluta til sáttmálann.
Tengdar fréttir
Borgarlínan
Maskína: Framsókn í fallbaráttu
Þórarinn: Tafir á höfuðborgarsvæðinu ekki minni
„Erum í miðri hrinu“: Styttist í Eldvörp
Búseta skortir byggingarlóðir
Gosið gæti varað lengur: Meiri fyrirstaða í gosrásinni
Hraunið náð Njarðvíkuræð: Fylgjast með raflínu
Mjög alvarlegt ef Njarðvíkuræð gefur sig
„Má segja að þetta gos hafi þjófstartað“