Eldgos hefur brotist út á Reykjanesskaga að nýju.

Gosopið er austan Sýlingarfells, á mjög svipuðum slóðum og þegar gaus síðast í lok maí. Fulltrúar frá almannavörnum og Veðurstofunni eru á leið í flug yfir svæðið.

Sigríður Kristjánsdóttir, náttúruvársérfræðingur á Veðurstofu Íslands segir að gera megi ráð fyrir að gosið sé nú í vexti.

Gosið er það níunda á aðeins rúmum þremur árum og það sjötta á um átta mánuðum, frá því fyrst gaus við Sundhnúkagígaröðina í desember í fyrra.