Einn var handtekinn þar sem hann lét öllum illum látum í heimahúsi. Náði hann að bíta lögreglumann og var með ljótar hótanir í garð annars lögreglumanns.
Þetta kemur fram í dagbók lögreglunnar á höfuðborgarsvæðinu. Dagbókin nær til verkefna lögreglu á höfuðborgarsvæðinu frá klukkan 17 í gær til klukkan 5 í morgun.
Þá var einn handtekinn fyrir slagsmál og hótanir. Notaði hann meðal annars skrúfjárn til að hóta öðrum með.