Eitthvað hefur verið um að fólk reyni að laumast inn á gossvæðið að sögn Eðvarðs Atla Bjarnasonar, sem er í svæðisstjórn björgunarsveita á Suðurnesjum. Hann segir allt þó hafa gengið vel og fólk hafi tekið tilmælum björgunarsveitamanna um að fara af svæðinu vel.

„Björgunarsveitir eru í ýmsum verkefnum; lokunarpóstum, fylgja fjölmiðlum og öðrum tilfallandi verkefnum,“ segir Eðvarð í samtali við mbl.is.

„Þetta er eins og að hjóla, við gleymum þessu ekkert,“ segir hann.

Hann segir að frá Landsbjörg séu nú um 30-40 manns á vettvangi, aðallega við lokunarpósta. Eru þeir meðal annars á Suðurstrandarvegi, Nesvegi, Krýsuvíkurvegi og Grindavíkurvegi.

Tengdar fréttir

Eldvirkni á Reykjanesskaga

„Mikilvægt að hvíla viðbragðið“

• Þetta er orð ársins 2024
• Heildarflatarmálið 9 km²: Landris heldur áfram
• Annað gos gæti brotist út í febrúar
• Vilja varðveita ummerki jarðhræringanna í Grindavík

» Fleiri tengdar fréttir

• Blogga um frétt