Of snemmt að segja hvort innviðir séu í hættu
Gossprungan er um það bil fjögurra kílómetra löng.
Ljósmynd/Landhelgisgæslan
Setja bókamerki
Úlfar Lúðvíksson, lögreglustjóri Suðurnesja, segir ofsnemmt að segja til um hvort innviðir á Reykjanesskaga séu í hættu vegna eldgoss sem hófst á tíunda tímanum í kvöld.
Gossprungan hafi opnast á svipuðum slóðum og síðustu gos hafa verið, og sé því vonandi á heppilegum stað hvað hagsmuni í Grindavík og Svartsengi varðar. „Þá er ég fyrst og fremst að hugsa um orkuverið,“ segir hann í samtali við mbl.is.
Verktakar hafa unnið að því síðustu daga að hækka varnargarðana þar sem helst var þörf á, að sögn Úlfars.
Rauð viðvörun klukkan níu
Úlfar fékk fregnir af því frá samhæfingarmiðstöð almannavarna klukkan níu að á Veðurstofu Íslands væri komin rauð viðvörun.
Var rýming boðuð í kjölfarið í Grindavík og Svartsengi.
Aðspurður segir hann rýminguna hafa gengið vel.
Úlfar Lúðvíksson, lögreglustjóri á Suðurnesjum.
mbl.is/Kristinn Magnússon
Þurfa að skoða hvort virknin sé óvanaleg
Eldfjall sem þarf að taka mark á
Beint: Eldgos hafið á Reykjanesskaga
Vegir torfærir vegna mikillar snjókomu við Öskju
Málverkið fauk út í veður og vind
Tilviljun?
Rannsaka hvort og þá hvaða vopni var beitt