Óljóst hvort hlaupið komi úr Vestari-Skaftárkatli

Rennsli í Skaftá hefur verið nokkuð stöðugt og mælist það í kringum 180 rúmmetra á sekúndu við Sveinstind.

Þetta kemur fram í tilkynningu frá Veðurstofu Íslands. Þar segir að rennslið sé sambærilegt við mikið sumarrennsli en í lægri kantinum miðað við hámarksrennsli síðustu Skaftárhlaupa.

Frétt af mbl.is

Rennslið nokkuð jafnt í Skaftá

„Að svo stöddu hefur hlaupið ekki áhrif á helstu vegi á svæðinu, en áfram verður fylgst náið með þróun hlaupsins,“ segir ennfremur í tilkynningunni.

Kortið sýnir staðsetningu vatnshæðamæla Veðurstofunnar og rennslisleið hlaupvatns frá Skaftárkötlum. Kort/Veðurstofa Íslands

Ekki hefur enn verið staðfest hvort hlaupið eigi upptök sín í Vestari-Skaftárkatli en þekkt er að þaðan komi hlaup sem ekki ná miklu hámarksrennsli en vara lengi.

Ríkislögreglustjóri í samráði við lögreglustjórann á Suðurlandi lýsti í gær yfir óvissustigi almannavarna vegna Skaftárhlaups.

• Blogga um frétt