Slökkvistarfi við Hoftún norðan Stokkseyrar er lokið. Altjón varð á vélaskemmu sem kviknaði í.
Þetta staðfestir Pétur Pétursson, slökkvistjóri hjá Brunavörnum Árnessýslu, í samtali við mbl.is.
Allt tiltækt lið Brunavarna Árnessýslu frá Selfossi og Þorlákshöfn var kallað til upp úr klukkan 17.00 í dag vegna elds sem upp kom í tækja og búnaðarskemmu við Hoftún.
Töluvert tjón varð í brunanum en að sögn Pétur voru heilmikil verðmæti inni í skemmunni. Þá brunnu einhverjir bílar og önnur tæki í kringum bygginguna.
Málinu er lokið að hálfu slökkviliðsins og hefur því verið vísað til lögreglunnar á Suðurlandi.