Tæplega 40 smærri lekar komu upp í dreifikerfi Veitna í gær og í nótt eftir að heitu vatni var aftur hleypt á stóran hluta höfuðborgarsvæðisins.

Lekarnir komu upp á afmörkuðum, litlum svæðum, að því er kemur fram í tilkynningu.

Frétt af mbl.is

Einstaka lekar hér og þar

Bráðabirgðaviðgerð var unnin á öllum stöðum og getur það orsakað aðeins minni þrýsting á vatninu en fullnaðarviðgerðir verða kláraðar í dag og á morgun. Á meðan þær standa yfir þarf að loka fyrir vatnið á þessum stöðum en það ætti ekki að vera nema í um eina klukkustund.

mbl.is greindi frá því í gær að meðal annars hefði komið upp talverður leki þegar lögn gaf sig við Fjallalind í Kópavogi, en þar streymdi heitt vatn að tveimur húsum og undir pall og garðhýsi.

Frétt af mbl.is

Myndskeið: Lögn fór í sundur og garðurinn á flot

Stærsti lekinn sem um ræðir varð við Nýbýlaveg í Kópavogi og er viðgerð áætluð í kvöld. Tilkynnt verður um hana sérstaklega til íbúa í nágrenninu.

Tengdar fréttir

Heitavatnsleysi á höfuðborgarsvæðinu

Myndskeið: Lögn fór í sundur og garðurinn á flot

• Einstaka lekar hér og þar
• Von á fleiri heitavatnslokunum
• Heita vatnið að koma rólega á hverfin eitt af öðru
• Búið að hleypa vatni á í Almannadal og Hólmsheiði

» Fleiri tengdar fréttir

• Blogga um frétt