TF-SIF, eftirlitsflugvél Landhelgisgæslunnar, hefur ekki verið tiltæk í allt sumar vegna alvarlegrar bilunar í hreyflum vélarinnar.

Við hefðbundna skoðun á vélinni á Möltu sl. vor fannst tæring á ytra yfirborði gírkassa hreyfla vélarinnar. Eftir nánari skoðun og samskipti við framleiðanda hreyflanna var ákveðið að taka þá af vélinni og þeir sendir í viðgerð og upptekt í Kanada. Gert er ráð fyrir að viðgerðinni ljúki í október eða nóvember.

Kostnaður vegna viðgerðar á hreyflunum er áætlaður rúmar 300 milljónir króna. Flugvélin átti að vera við eftirlitsstörf á Íslandsmiðum í sumar en af því gat ekki orðið vegna bilunarinnar. 

Lesa má meira um málið í Morgunblaðinu í dag 

Tengdar fréttir

TF-SIF

Frontex afþakkar vél Gæslunnar

• Vélar LHG og Isavia ekki seldar
• Dýrt að reka eina vél
• Áhyggjur meðal sjómanna af Gæslunni
• Vita vart hvað gerist inni á fjörðum

» Fleiri tengdar fréttir