Reykjavíkurmaraþon Íslandsbanka 2024 fer fram á morgun, en alls eru 14.300 hlauparar skráðir til leiks. Uppselt er í bæði hálft maraþon og 10 km hlaup, og aðeins örfáir miðar eru eftir í heilt maraþon. 

„Við erum að sprengja alla skala,“ segir Selma Smáradóttir, verkefnastjóri hjá Íslandsbanka. Fólk getur sótt hlaupanúmer hjá Fit & Run Expo til klukkan 19 í kvöld.

Talsvert fleiri eru skráðir í ár en í fyrra, en þá voru 11 þúsund skráðir í hlaupið. Samtals eru því 30% fleiri skráðir í ár.

Frétt af mbl.is

Um 11.000 hlaupa – „Elvis“ skráður

Margar mikilvægar sögur 

Undirbúningur hefur gengið ótrúlega vel að sögn Selmu, og segir hún söfnunina í tengslum við maraþonið hafa farið fram úr öllum væntingum.

„Það er ótrúlega magnað að sjá hversu margir eru að styrkja,“ segir hún.

„Einnig eru ótrúlega margar og mikilvægar sögur í samfélaginu frá fólki sem er að ganga í gegnum erfiðleika og að sjá hvað góðgerðafélögin eru stór partur af samfélaginu öllu.“ bætir hún við. 

Eins og er eru 14.300 hlauparar skráðir. mbl.is/Eggert Jóhannesson

Fleiri konur skráðar en karlar

Að sögn Selmu er kynjahlutfallið mjög jafnt í ár, en eins og áður eru örlítið fleiri konur skráðar til þátttöku en karlar

Í fyrra var safnað 199 milljónum króna, en Selma vonast til að ná yfir 200 milljónir í ár. „Eins og er erum við undir 200 milljónum, en það kemur samt alltaf mest inn á hlaupadaginn sjálfan og söfnuninni lýkur ekki fyrr en á mánudaginn.“

Á hlaupadaginn sjálfan verða posaþjónustur hjá Fit & Run Expo og fyrir utan Menntaskólann í Reykjavík þar sem hægt er að greiða inn í sameiginlegan sjóð til allra góðgerafélaganna að sögn Selmu.

Tengdar fréttir

Reykjavíkurmaraþon

Hægðalosandi smakk óhentugt fyrir hlaup

• Tíðavörur eigi að vera jafn aðgengilegar og klósettpappír
• Ræsir maraþonið og bakar vöfflur
• Hleypur í minningu litlu systur sinnar
• Súkkulaðigerðin Omnom býður öllum hlaupurum upp á ís

» Fleiri tengdar fréttir

• Blogga um frétt