Önnur hópsýking á Suðurlandi

Lögreglan á Suðurlandi rannsakar nú hópsýkingu sem kom upp í skála á gönguleið Laugavegar. Ekki er vitað um upprunastað sýkingarinnar. 

Sveinn Kristján Rúnarsson, yfirlögregluþjónn lögreglunnar á Suðurlandi, segir að enn sé óvitað hve margir hafa veikst og lögregla sé nú að rannsaka það.

Hvar kemur þetta upp?

„Við erum ekki með upprunastaðinn alveg kláran en þetta kemur upp í skála á gönguleið Laugavegs,“ segir Sveinn.

Lögreglan gat ekki veitt nánari upplýsingar að svo stöddu.

Tvær sýkingar með skömmu millibili á Suðurlandi

Um er að ræða aðra hópsýkinguna á skömmum tíma á Suðurlandi en Heil­brigðis­eft­ir­lit Suður­lands rann­sak­aði hóp­sýk­ingu sem kom upp á Rjúpna­völl­um í Rangárþingi ytra fyrr í ágúst.

Frétt af mbl.is

Hópsýking til rannsóknar á Suðurlandi

Þar lá grunur um að hópsýkingin væri af völdum E.coli-bakteríunnar og var síðar greint frá að minnst sextíu náttgesta á Rangárvöllum hafi veikst.

Rannsókn málsins leiddi síðar í ljós að nóróveira greind­ist hjá a.m.k. sex ein­stak­ling­um.

Frétt af mbl.is

Staðfesta að nóróveira greindist

• Blogga um frétt