25 manns voru á ferð í hópi sem lenti í því að íshellir féll saman þegar verið var að skoða hellinn á Breiðamerkurjökli í dag. Hluti hópsins varð undir þegar hellirinn féll saman. 

„Þetta virðist hafa verið vegghrun,“ segir Sveinn.   

„Björgunaraðilar eru að vinna á vettvangi í þessum töluðu orðum. En það þarf að ryðja ís frá og vinnuvél á leiðinni á vettvang,“ segir Sveinn.

mbl.is 

Nokkur tími í gröfuna 

Vinnuvélin er grafa og að sögn Sveins verður að koma í ljós hvernig gengur að koma henni að íshellinum sem staðsettur er vestan við jökulsárlón. Enn er „einhver tími í að hún komi þangað,“ segir Sveinn. 

Frétt af mbl.is

Fólk fast í íshelli sem hrundi í Breiðamerkurjökli

Hann segir hópinn í íshellinum blandaðan og komi til að mynda ekki frá einu fyrirtæki sem býður upp á ferðir á Breiðamerkurjökul. 

„Þetta er svolítið blandaður hópur og við erum að við að okkur upplýsinga um það,“ segir Sveinn. 

Slasað fólk í hópnum 

Fólk í hópnum er slasað. Sveinn segir hins vegar ekki liggja fyrir upplýsingar um það hve margir það eru sem eru slasaðir. 

Jón Þór Víglundsson, upplýsingafulltrúi Landsbjargar segir að þeir björgunarsveitarmenn sem séu komnir á vettvang séu að að skoða aðstæður.

„Fyrst og fremst eru menn að skoða aðstæður og að meta hvað það er sem þarf til þess að björgunaraðgerðir geti gengið sem best. Viðbrögðin eru þau að það sé betra að hafa meira en minna og betra að nota ekki en vanta hluti á vettvangi,“ segir Jón Þór.

Kort/mbl.is

Þetta vitum við

• Göngufók er fast undir íshelli sem hrundi í Breiðamerkurjökli eftir hádegi í dag. 
• Fjórir lentu undir ísfargi en alls voru 25 manns við hellinn þegar hann hrundi. Tveimur hefur verið komið undan og eru þeir báðir alvarlega slasaðir.
• Tveggja er enn leitað undir farginu og þarf gröfu til að ryðja ísinn frá.
• Almannavarnir hafa virkjað hópslysaáætlun, opnað samhæfingarstöð auk þess sem búið er að opna fjöldahjálparstöð í Öræf­um.
• Tvær þyrlur og ein flugvél hafa verið ræstar út vegna slyssins. Sérþjálfaðir björgunarmenn eru einnig á vettvangi.
• Tilkynning barst viðbragðsaðilum um kl. 15 og hafa að minnsta kosti þrjár björgunarsveitir verið ræstar út.
• Breiðamerk­ur­jök­ull geng­ur niður úr Vatna­jökli og Öræfa­jökli til suðurs og suðaust­urs.

Tengdar fréttir

Íshellir hrundi í Breiðamerkurjökli

Einn fluttur slasaður til Reykjavíkur

• Ísveggir féllu ofan á fólkið: Leita enn tveggja
• Fjórir lentu undir ísfargi
• „Slysið er mjög alvarlegt“
• Fólk fast í íshelli sem hrundi í Breiðamerkurjökli

» Fleiri tengdar fréttir

• Blogga um frétt