Landhelgisgæslan hefur fengið hjálp danska sjóhersins við að flytja búnað frá Reykjavík að Breiðamerkurjökuli þar sem íshellir hrundi yfir göngufólk fyrr í dag. Frakkar eru einnig reiðubúnir að leggja hönd á plóg sé þess þörf.

25 manna hóp­ur var í skipu­lagðri ferð um Breiðamerk­ur­jök­ul með far­ar­stjórn í dag þegar ís­hell­ir hrundi. Fjór­ir þeirra lentu und­ir ís­farginu en búið er að koma tveimur undan. Tveggja er enn leitað. Að minnsta kosti þrír eru tald­ir al­var­lega slasaðir eft­ir að ís­hell­ir­inn hrundi.

Svo virðist sem vegg­ur hellsins hafi hrunið að sögn lög­reglu. Til­kynn­ing barst viðbragðsaðilum snemma á fjórða tím­an­um í dag.

Frétt af mbl.is

Einn fluttur slasaður til Reykjavíkur

Frakkarnir voru reiðubúnir að hjálpa

Um­fangs­mikl­ar björg­un­araðgerðir hafa staðið yfir síðan upp úr 15 í dag.

Tvær þyrlur Landhelgisgæslunnar voru ræstar út.

„Síðan óskuðum við eftir því við danska sjóherinn hvort hægt væri að fá þyrlu frá Vædderen, danska varðskipinu, til að flytja mannskap og búnað frá Reykjavík,“ segir Ásgeir Erlendsson, upplýsingafulltrúi Landhelgisgæslunnar, í samtali við mbl.is.

„Sú þyrla er bara á leiðinni á staðinn,“ bætir hann við. 

Og til vonar og vara leitaði gæslan einnig á náðir fransks herskips sem er hluti af fastaflota Atlantshafsbandalagsins. Skipið er hér á vegum varnaræfingarinnar Norður-Víkings.

„Frakkarnir voru reiðubúnir að aðstoða en það kom ekki til þess að við þurftum á því að halda.“

Frétt af mbl.is

Fjórir lentu undir ísfargi

Einn fluttur til Reykjavíkur

Það er því alls búið að ræsa út þrjár þyrlur vegna slyssins, tvær frá gæslunni og eina frá danska sjóhernum.

Einn af göngu­mönn­un­um sem slösuðust hef­ur verið flutt­ur með þyrlu til Hafn­ar. Þaðan var hann flutt­ur með sjúkra­flugi á Foss­vogs­spít­ala í Reykja­vík. Sá er tal­inn al­var­lega slasaður.

Fleiri slasaðir hafa ekki verið flutt­ir með þyrlu að svo stöddu. 

Slysið er talið grafal­var­legt. Unnið er að björg­un­ar­störf­um á vett­vangi. Ekki er vitað um ástand á fólki á þess­ari stundu, að sögn lög­reglu.

Al­manna­varn­ir hafa virkjað hóp­slysa­áætl­un, opnað sam­hæf­ing­ar­stöð auk þess sem búið er að opna fjölda­hjálp­ar­stöð í Öræf­um.

Viðbúnaður var mikill og eru nú á annað hundrað manns sem koma að björgunaraðgerðum. Ljósmynd/Rut Gunnarsdóttir

Þetta vitum við

• Göngufók er fast undir íshelli sem hrundi í Breiðamerkurjökli eftir hádegi í dag.
• Fjórir lentu undir ísfargi en alls voru 25 manns við hellinn þegar hann hrundi. Tveimur hefur verið komið undan og eru þeir báðir alvarlega slasaðir.
• Tveggja er enn leitað undir farginu og þarf gröfu til að ryðja ísinn frá.
• Almannavarnir hafa virkjað hópslysaáætlun, opnað samhæfingarstöð auk þess sem búið er að opna fjöldahjálparstöð í Öræf­um.
• Tvær þyrlur og ein flugvél hafa verið ræstar út vegna slyssins. Sérþjálfaðir björgunarmenn eru einnig á vettvangi.
• Tilkynning barst viðbragðsaðilum um kl. 15 og hafa að minnsta kosti þrjár björgunarsveitir verið ræstar út.
• Breiðamerk­ur­jök­ull geng­ur niður úr Vatna­jökli og Öræfa­jökli til suðurs og suðaust­urs.

Tengdar fréttir

Íshellir hrundi í Breiðamerkurjökli

Teymi vinna í törnum við að fjarlægja ís

• Fjallað um slysið í erlendum miðlum
• Einn fluttur slasaður til Reykjavíkur
• Ísveggir lögðust ofan á fólkið: Leita enn tveggja
• Fjórir lentu undir ísfargi

» Fleiri tengdar fréttir

• Blogga um frétt