Fjórir lentu undir ísfargi
Setja bókamerki
Þetta vitum við
- Göngufók er fast undir íshelli sem hrundi í Breiðamerkurjökli eftir hádegi í dag.
- Fjórir lentu undir ísfargi en alls voru 25 manns við hellinn þegar hann hrundi. Tveimur hefur verið komið undan og eru þeir báðir alvarlega slasaðir.
- Tveggja er enn leitað undir farginu og þarf gröfu til að ryðja ísinn frá.
- Almannavarnir hafa virkjað hópslysaáætlun, opnað samhæfingarstöð auk þess sem búið er að opna fjöldahjálparstöð í Öræfum.
- Tvær þyrlur og ein flugvél hafa verið ræstar út vegna slyssins. Sérþjálfaðir björgunarmenn eru einnig á vettvangi.
- Tilkynning barst viðbragðsaðilum um kl. 15 og hafa að minnsta kosti þrjár björgunarsveitir verið ræstar út.
- Breiðamerkurjökull gengur niður úr Vatnajökli og Öræfajökli til suðurs og suðausturs.
Viðbragðsaðilar leita að tveimur sem eru enn fastir undir fargi íshellis sem hrundi í Breiðamerkurjökli fyrr í dag. Grafa er á leiðinni á vettvang til að ryðja ís frá hellinum.
Tveimur til viðbótar hefur verið komið undan farginu en þeir eru báðir alvarlega slasaðir.
25 manna hópur var í skipulagðri ferð um svæðið með fararstjórn þegar íshellir hrundi og fjórir lentu undir ísfargi. Tilkynning barst viðbragðsaðilum snemma á fjórða tímanum í dag.
„Alvarlega slasaðir“
„Fjórir aðilar urðu fyrir ísfargi, nú þegar hefur tveimur aðilum verið náð undan ísnum og eru þeir alvarlega slasaðir. Enn er verið að leita að tveimur aðilum sem eru fastir í íshellinum,“ skrifar lögreglan á Suðurlandi á Facebook.
Slysið er talið grafalvarlegt. Unnið er að björgunarstörfum á vettvangi. Ekki er vitað um frekara ástand á fólki á þessari stundu, að sögn lögreglu.
Almannavarnir hafa virkjað hópslysaáætlun, opnað samhæfingarstöð auk þess sem búið er að opna fjöldahjálparstöð í Öræfum.
Veistu meira? Þú getur sent okkur ábendingar á tölvupóstfangið frettir@mbl.is
Fréttin hefur verið uppfærð.
Þetta vitum við
- Göngufók er fast undir íshelli sem hrundi í Breiðamerkurjökli eftir hádegi í dag.
- Fjórir lentu undir ísfargi en alls voru 25 manns við hellinn þegar hann hrundi. Tveimur hefur verið komið undan og eru þeir báðir alvarlega slasaðir.
- Tveggja er enn leitað undir farginu og þarf gröfu til að ryðja ísinn frá.
- Almannavarnir hafa virkjað hópslysaáætlun, opnað samhæfingarstöð auk þess sem búið er að opna fjöldahjálparstöð í Öræfum.
- Tvær þyrlur og ein flugvél hafa verið ræstar út vegna slyssins. Sérþjálfaðir björgunarmenn eru einnig á vettvangi.
- Tilkynning barst viðbragðsaðilum um kl. 15 og hafa að minnsta kosti þrjár björgunarsveitir verið ræstar út.
- Breiðamerkurjökull gengur niður úr Vatnajökli og Öræfajökli til suðurs og suðausturs.
Menningarnótt lauk með hvelli
Ísveggir féllu ofan á fólkið: Leita enn tveggja
Stærsti skjálftinn síðan á fimmtudag
Unglingur í lífshættu eftir stunguárás
Fýlusprengja „eyðilagði stemninguna“
Handtekinn grunaður um stunguárás
Bóksali ósáttur við skipuleggjendur Menningarnætur