Tilkynnt hefur verið um slys á Breiðamerkurjökli og hefur fjöldi viðbragðsaðila verið kallaður út. Eðli slyssins er enn óljóst en viðbragðið er greinilega umfangsmikið.
Tvær þyrlur Landhelgisgæslunnar hafa verið kallaðar, segir Ásgeir Erlendsson, upplýsingafulltrúa Landhelgisgæslunnar, í samtali við mbl.is en Vísir greindi fyrst frá útkallinu.
Fyrri þyrlunnar er að vænta að vettvangi í kringum kl. 16.15, af orðum Ásgeirs að dæma.
Björgunarsveitir frá Höfn, Öræfum og Kirkjubæjarklaustri hafa verið ræstar út, að sögn Jóns Þórs Víglundssonar, upplýsingafulltrúa Landsbjarga.
Sjúkraflutningabílar og lögreglubílar hafa einnig verið kallaðir út en þegar mbl.is hafði samband við varðstjóra lögreglu á Suðurlandi varðist hann allra frétta og bað um frið á meðan lögreglumenn væru enn að „ná utan um þetta“.
Hvorki Jón Þór né Ásgeir kváðust hafa frekari upplýsingar um slysið að svo stöddu og vísuðu á lögreglu. Viðbragðsaðilar eru á leiðinni á vettvang. „Þetta er talsvert úr alfaraleið,“ segir Jón Þór, sem segir að viðbragðið sé umfangsmikið.
Uppfært: