Lögreglu var tilkynnt um tvær hnífaárásir í nótt. Þrjú ungmenni voru stungin í einni árásinni.

Þetta kemur fram í tilkynningu frá lögreglunni á höfuðborgarsvæðinu.

Frétt af mbl.is

Nokkrar líkamsárásir framdar

Fluttir á bráðamóttöku

Laust fyrir miðnætti í gær var lögreglu tilkynnt um alvarlega líkamsárás í miðborginni þar sem hnífi var beitt. Þrír voru með stunguáverka og voru allir fluttir á bráðamóttöku Landspítalans til aðhlynningar. 

Í tilkynningunni segir að ástand eins hinna slösuðu sé alvarlegt. Hann gekkst undir aðgerð í nótt.

„Sá sem grunaður er um verknaðinn var handtekinn og verður yfirheyrður síðar í dag.  Brotaþolar og hinn grunaði eru allt ungt fólk og rannsóknin unnin í samvinnu við barnaverndaryfirvöld,“ segir í tilkynningunni. 

Ekki alvarlega slasaður

Á þriðja tímanum í nótt var lögreglu tilkynnt um aðra líkamsárás þar sem hnífi var beitt.

Sá sem grunaður er um hnífsstunguna var handtekinn og verður yfirheyrður síðar í dag. Brotaþoli í málinu er ekki alvarlega slasaður.

Í tilkynningunni segir að rannsókn beggja mála sé á frumstigum en miði vel. 

Tengdar fréttir

Hnífstunguárás á Menningarnótt

Kærastinn fær ekki skipaðan réttargæslumann

• Lokað þinghald í menningarnæturmáli
• Ákærður fyrir stunguárás á menningarnótt
• Rannsókn á menningarnæturmáli lokið
• Rannsókn á menningarnæturmáli mjög langt komin

» Fleiri tengdar fréttir

Ofbeldishegðun ungmenna

Aukin ofbeldishegðun fyrirséð

• Sagði vargöld ríkja á Íslandi
• Kópavogsbær bregst við vopnaburði ungmenna
• „Mun enginn skaðast af því að læra sínar bænir“
• Sigurður Ingi: Viljinn til að semja er fyrir hendi

» Fleiri tengdar fréttir

• 1 blogg um fréttina

Bloggað um fréttina

• P.Valdimar Guðjónsson: Hryggilegar fréttir.