Áberandi mökkur: „Sambland af gasi og gróðureldum“
Sjá má myndarlegan gosmökk stíga til himins frá gosstöðvunum.
mbl.is/Eggert Jóhannesson
Setja bókamerki
Mikill mökkur hefur risið upp frá gosstöðvunum á Reykjanesskaga það sem af er degi. Gosið hófst á Sundhnúkagígaröðinni á fimmtudagskvöldið.
„Þetta er eitthvað sambland af gasi og gróðureldum að því er ég best veit,“ segir Bjarki Kaldalóns Friis, náttúruvársérfræðingur á Veðurstofu Íslands, við mbl.is.
Er hann spurður út í ástæðu þessa mikla mökks en þurrt hefur verið á svæðinu síðustu daga og gróðurinn þar af leiðandi skraufþurr.
Eitt svæði virkt
Bjarki segir að eitt gígsvæði sé virkt og ekki sjáist mikil hreyfing á hrauninu.
Íbúar á Suðurnesjum gætu fundið fyrir mengun frá gosstöðvunum í dag en vindáttin er að snúast í suðaustur og gæti mengunar orðið vart síðdegis í Keflavík og í Höfnum.
„Hagræðingarmál eru í fyrsta sæti“
Lyklaskipti í ráðuneytunum
Alvarleg netárás á Wise
Hrikalegt að heyra fréttirnar
„Þetta er ríkisstjórn almannahagsmuna“
Samfylking og Viðreisn gáfu loforð
Fyrsti blaðamannafundurinn í heild sinni