Einn brotaþola af erlendu bergi brotinn
Setja bókamerki
Eitt fórnarlambanna sem ráðist var á með hníf við Skúlagötu í miðborg Reykjavíkur á Menningarnótt er drengur af erlendum uppruna. Þetta staðfestir Grímur Grímsson, yfirlögregluþjónn miðlægrar rannsóknardeildar lögreglunnar, í samtali við mbl.is.
Hann gat ekki veitt nánari upplýsingar um uppruna drengsins en Vísir kveðst hafa heimildir fyrir því að drengurinn sé frá Palestínu. Þá segir í fréttflutningi Vísis að hin tvö fórnalömbin séu íslenskar stúlkur.
Grímur vildi ekki staðfesta kyn allra brotaþolanna en sagði hina tvo vera Íslendinga.
Aðspurður segir hann að árásin sé ekki rannsökuð sem hatursglæpur.
Stúlkan enn í lífshættu
Sextán ára piltur var í gærkvöldi úrskurðaður í gæsluvarðhald til 30. ágúst á grundvelli rannsóknarhagsmuna að kröfu lögreglunnar á höfuðborgarsvæðinu. Hann sætir nú einangrun og gæsluvarðhalds í fangelsinu á Hólmsheiði.
Þrjú ungmenni urðu fyrir stunguárásinni. Þau voru öll flutt á slysadeild og hlaut ein stúlka lífshættulega áverka. Að sögn Gríms er stúlkan enn í lífshættu.
Þorvaldur: Óvenjulegt gos að ýmsu leyti
Tveir kvikustrókar stærstir
Dýr og ómarkviss tekjuöflun
Fyrirtækið státar sig af íshellaferðum á sumrin
Leit hafin á jöklinum – Nærri 70 taka þátt
Teymi vinna í törnum við að fjarlægja ís
Leggur til samræmd próf í skólum Reykjavíkur