Ísfargið sem hrundi á þá ferðamenn sem er leitað er nokkur tonn að þyngd. Ekki er búið að bera kennsl á hinn látna en sá sem var fluttur með þyrlu á Landspítalann í gær er í stöðugu ástandi.

Þetta segir Sveinn Kristján Rún­ars­son, yf­ir­lög­regluþjónn hjá lög­regl­unni á Suður­landi, í samtali við mbl.is.

Ísveggur gaf sig í gær í Breiðamerkurjökli með þeim afleiðingum að minnst einn er látinn, tveggja er saknað og einn var fluttur á sjúkrahús slasaður.

Ekki er búið að auðkenna hverra er saknað og þá er ekki heldur búið að bera kennsl á hinn látna.

Frétt af mbl.is

Vita ekki hverjum leitað er að

Ekki nákvæmur nafnalisti

„Það er ekki nákvæmur listi,“ segir Sveinn spurður hvort að ekki sé til listi yfir nöfn þeirra voru með í ferðinni.

Hægt var að skrá sig í ferðina og taka frá pláss fyrir fleiri. Sveinn segir að stuðst sé við talningu leiðsögumanna.

Um 60 manns taka þátt í björgunaraðgerðum að svo stöddu og Sveinn gerir ráð fyrir að fjöldinn verði þannig fram eftir kvöldi.

Frétt af mbl.is

„Ég vildi ekki fara þar meir“

Nokkur tonn af ís

„Þetta eru svona ísgöng sem fólkið hefur gengið í gegnum og hluti af þakinu hrundi. Þannig þetta er töluvert ísmagn. Einhver tonn, það er alveg á hreinu,“ segir Sveinn aðspurður.

Til­kynnt var um slysið kl. 15 í gær og var hóp­slysa­áætl­un al­manna­varna virkjuð. 25 er­lend­ir ferðamenn voru í skipu­lagðri ís­hella­ferð á jökl­in­um og fjór­ir lentu und­ir ís­farg­inu.

Tveim­ur var bjargað und­an ís­farg­inu. Var ann­ar þeirra úr­sk­urðaður lát­inn á staðnum en hinn send­ur suður til Reykja­vík­ur á sjúkra­hús eins og áður sagði.

Tengdar fréttir

Banaslys í Breiðamerkurjökli

Lenda í háska í óskipulögðum jöklaferðum

• Íshellaferðir mega hefjast á ný
• Enginn með stöðu sakbornings
• Snúa líklega aftur á jökulinn þar sem einn lést
• Alls ekki hætta sér inn í íshella að sumarlagi

» Fleiri tengdar fréttir

• Blogga um frétt