Hátt í 200 viðbragðsaðilar hafa tekið þátt í umfangsmikilli björgunar- og leitaraðgerð í Breiðamerkurjökli.

Þetta kemur fram í tilkynningu lögreglu, þar sem segir að fullyrða megi að mikið þrekvirki hafi verið unnið á vettvangi. 

Búið sé að brjóta niður og færa til gríðarlegt magn af ís, meira og minna allt með handafli.

Eins og fram hefur komið þá reyndist enginn hafa orðið fyrir ísnum, sem talinn var hafa fallið á tvo ferðamenn til viðbótar við þau tvö sem náðust undan ísfarginu í gær.

„Ljóst virðist að skrán­ing í ferðina og ut­an­um­hald hafi ekki verið ná­kvæmt auk mis­vís­andi upp­lýs­inga um fjölda í ferðinni,“ segir í tilkynningu lögreglu.

Frétt af mbl.is

Leit hætt: Enginn undir ísnum

Þakkar þeim sem komu að aðgerðum

„Lögreglan á Suðurlandi vill því þakka öllum þeim viðbragðsaðilum sem komu að leitar- og björgunaraðgerðinni. Það sýnir sig og sannar í verkefni sem þessu að við höfum á öflugu og lausnarmiðuðu fólki á að skipa þegar hætta steðjar að,“ segir í tilkynningunni.

„Einnig vill lögreglan þakka þeim ferðaþjónustuaðilum í nágrenni slysstaðar sem aðstoðuðu leitar- og björgunarfólk með gistingu og mat síðastliðinn sólarhring.“

Loks tekur lögregla fram að áfram verði unnið að rannsókn á tildrögum slyssins.

Frétt af mbl.is

Bandarískt par lenti undir ísfarginu

Tengdar fréttir

Banaslys í Breiðamerkurjökli

Nauðsynlegt að herða kröfur

• Bandarískt par lenti undir ísfarginu
• Leit hætt: Enginn undir ísnum
• Ofbauð krafan um að fara með fólk í „tvísýnu“
• Ekki búið að bera kennsl á hinn látna

» Fleiri tengdar fréttir

• Blogga um frétt