Land seig mest um 40 sentimetra þegar kvika hljóp úr Svartsengi í Sundhnúkagígaröðina á fimmtudagskvöld.

Landsigið er nærri tvöfalt meira en það sem mældist við síðasta eldgos þann 29. maí

Í tilkynningu Veðurstofu segir að þessar mælingar séu í takti við það mat vísindamanna að eldgosið sé það stærsta af þeim sex gosum sem brotist hafa út í Svartsengiskerfinu frá því í desember.

Frétt af mbl.is

Stærsta eldgosið á svæðinu til þessa

Land heldur áfram að síga

Tekið er fram að land haldi áfram að síga en sífellt minna, dag frá degi.

Líkanreikningar benda til að um 17-27 milljón rúmmetrar af kviku hafi farið úr kvikuhólfinu í Svartsengi frá því að eldgosið hófst.

Að mati Veðurstofu er ekki hægt að fullyrða um áframhaldandi kvikuflæði inn í kvikusöfnunarsvæðið undir Svartsengi fyrr en landris fer að sjást aftur.

Þess gæti farið að gæta eftir að hraunflæði í eldgosinu verður komið niður fyrir fjóra rúmmetra á sekúndu, sem sé sambærilegt við innflæðið undir Svartsengi eins og það hefur verið áætlað til þessa.

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt