Ólíklegt að fyrirtækið verði dregið til ábyrgðar
Setja bókamerki
Sveinn Kristján Rúnarsson, yfirlögregluþjónn hjá lögreglunni á Suðurlandi, segir rannsóknina á slysinu í Breiðamerkurjökli vera á frumstigi og því sé of snemmt að segja til um hvort einhver teljist sakhæfur. Hann telur það þó ólíklegt.
Ferðaþjónustufyrirtækið sem skipulagði ferð á Breiðamerkurjökul í gær veitti lögreglu rangar upplýsingar um fjölda ferðamanna í hópnum, sem leiddi til umfangsmikillar leitar sem stóð yfir þar til síðdegis í dag.
Bandarískt par varð undir ísfargi þegar það féll úr jöklinum. Lést annað þeirra.
Enginn fastur
Upphaflega tilkynnti fyrirtækið lögreglu að 25 manns hefðu verið í ferðinni og var því talið að tveggja erlendra ferðamanna væri saknað þar til í dag.
Stór hópur fólks tók þátt í að leita að ferðamönnunum en seinna kom í ljós að aðeins 23 voru í hópnum og því var enginn fastur undir ísnum.
Mikilvægt að vita hver ber ábyrgð
Sveinn segir að engin ólögleg háttsemi hafi átt sér stað og að slysið hafi verið mistök. Hann leggur þó áherslu á að upplýsingaflæði og utanumhald hafi ekki verið nægilega gott, sem hafi leitt til leitarinnar.
„Ég geri ekki ráð fyrir því að fyrirtækið verði dregið til ábyrgðar fyrir þetta, en vissulega er þetta eitthvað sem þarf að gera betur og vanda betur skráningar þannig að þetta gerist ekki,“ segir Sveinn.
Hann nefnir að þó þurfi að vera á hreinu hver beri ábyrgðina, vilji þau sem urðu fyrir slysinu eða aðstandendur þeirra sækja rétt sinn.
„Það er spurning hvar ábyrgðin liggur,“ segir hann.
„Við erum búin að vera í skýrslutökum alveg síðan í gær, það er allt í gangi.“
Banaslys á Breiðamerkurjökli: Leit frestað
Myndskeið sýnir innan úr Breiðamerkurjökli
Áberandi mökkur: „Sambland af gasi og gróðureldum“
Leggur til samræmd próf í skólum Reykjavíkur
Dýr og ómarkviss tekjuöflun
FÍ fagnar Þórsmerkurþjóðgarði, Útivist enn óviss
Ekki búið að bera kennsl á hinn látna
„Ég vildi ekki fara þar meir“