Eldgosið sem braust út á Sundhnúkagígaröðinni á fimmtudagskvöld er það stærsta af þeim sex eldgosum sem nú hafa orðið í Svartsengiskerfinu frá því í desember.

Veðurstofan segir allar mælingar hafa sýnt fram á þetta, í nýrri tilkynningu.

Um er að ræða mælingar sem gerðar hafa verið á hraunbreiðunni hingað til og líkanreikningar sem áætla magn kviku sem fór úr Svartsengi yfir í Sundhnúkagígaröðina þegar gosið hófst.

Áfram gýs á svæðinu norðaustan við Stóra-Skógfell. Síðasta sólarhring hefur virknin einangrað sig nokkuð á einu svæði norðarlega á gossprungunni sem opnaðist fyrsta kvöldið.

Kort/Veðurstofa Íslands

Hægt á framrás hraunsins

Hraunið flæðir nú að mestu til norðvesturs í tveimur meginstraumum og hefur hægt verulega á framrás þess.

Gera megi ráð fyrir því að nú sé hraunflæði frá eldgosinu nokkrir tugir rúmmetra á sekúndu.

Nákvæmar mælingar hafi ekki enn verið gerðar á því en matið d´r byggt á samanburði við fyrri eldgos á svæðinu og sjónrænu mati á virkni í gígunum.

Í upphafi eldgossins er áætlað að hraunflæði hafi verið um 1.500-2.000 rúmmetrar. Er virknin í dag því einungis brot af því sem hún var í upphafi.

Tengdar fréttir

Eldvirkni á Reykjanesskaga

Hraun kemur úr þremur gígum: Virknin stöðug

• Aldrei runnið vestar: Um 100 metrar á klukkustund
• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga

» Fleiri tengdar fréttir

• Blogga um frétt