Tveir kvikustrókar stærstir
Setja bókamerki
Virknin í gígunum í eldgosinu við Sundhnúkagíga hefur einangrað sig nokkuð í syðsta partinn á nyrsta hluta gossprungunnar frá því í gær.
Að öðru leyti er staðan á eldgosinu óbreytt, að sögn Ingibjargar Andreu Bergþórsdóttur, náttúruvársérfræðings hjá Veðurstofu Íslands.
Enn eru nokkrir virkir kvikustrókar. Tveir virðast vera stærstir og síðan eru nokkrir minni þar í kring.
Hraun rennur að mestu leyti til norð-norðvesturs í tveimur meginstraumum en framrásin er mjög hæg.
Mengun á nærliggjandi svæðum
Spurð út í loftmengun segir Ingibjörg Andrea að vindáttin sé að snúast. Spáð er hægri breytilegri átt á gossvæðinu og því getur orðið vart við mengun á nærliggjandi svæðum á borð við Svartsengi, í Bláa lóninu og jafnvel Reykjanesbæ. Það mun koma betur í ljós þegar líður á daginn.
Engin skjálftavirkni hefur verið á svæðinu.
Hrina af smáskjálftum varð í kjölfar skjálftans upp á 3,2 stig austur af Kleifarvatni seint í gærkvöldi en eftir það róaðist allt, að sögn Ingibjargar.
/frimg/1/35/73/1357327.jpg)
Var engin kristnitaka árið 1000?
„Mér finnst gamla Samfylkingin komin aftur“
Barn lést í árásinni
„Tímabil aukinnar eldvirkni“
Alvarleg netárás á Wise
Víkingar komnir yfir 800 milljónir í greiðslur
