Ætlar að vanda sig enda viðkvæmt mál
Setja bókamerki
Guðrún Hafsteinsdóttir dómsmálaráðherra hefur enn ekki tekin ákvörðun í máli Helga Magnúsar Gunnarssonar vararíkissaksóknara.
„Ég hef verið að bíða eftir áliti lögfræðinga utan úr bæ og svo mun ég komast að niðurstöðu. Vonandi fyrr en seinna,” segir Guðrún, sem ræddi við blaðamann að loknum ríkisstjórnarfundi í morgun.
Sigríður J. Friðjónsdóttir ríkissaksóknari lagði í síðasta mánuði til við dómsmálaráðherra að Helgi Magnús yrði leystur frá störfum tímabundið vegna ummæla hans í garð hinsegin fólks og útlendinga.
Aðspurð segist Guðrún gera sér grein fyrir því að málið hafi tekið dágóðan tíma.
„En ég sagði líka í upphafi að þetta er viðkvæmt mál. Þetta varðar æðstu stjórnendur ákæruvaldsins á Íslandi. Ég sagði strax að ég ætlaði að vanda mig og ég er að vanda mig. Svo bara kemur niðurstaða,” segir Guðrún, sem kveðst ekki hafa rætt málið við Helga Magnús.
Hún segir að vonandi muni styttri tími líða en vikur í að málinu ljúki.
Víkingar komnir yfir 800 milljónir í greiðslur
„Mér finnst gamla Samfylkingin komin aftur“
Beint: Ný ríkisstjórn tekin við völdum
Alvarleg netárás á Wise
„Börn heima sem maður myndi vilja hafa í skjóli“
Stormur á Þorláksmessu en víðast hvar stefnir í hvít jól
Fyrsti blaðamannafundurinn í heild sinni
