Fjögur útköll á sólarhring og stefnir í metár

Þyrlur Landhelgisgæslunnar sinntu tveimur útköllum í nótt og í morgun báðum vegna bráðra veikinda.

Ásgeir Erlendsson, upplýsingafulltrúi Landhelgisgæslunnar, segir Gæsluna hafa sinnt fjórum útköllum á innan við sólarhring og að það teljist óvenjulegt:

„Það er ekki á hverjum degi sem að við erum sinnum fjórum útköllum á sama sólarhring,“ segir Ásgeir og bendir á að útköll í sumar hafi verið óvenju mörg.

Frétt af mbl.is

Útkall vegna veikinda við Hornbjarg

20 útköllum fleiri en í fyrra

Í nótt sótti þyrla farþega vegna veikinda á skemmtiferðaskip sem var djúpt norður af Vestfjörðum og í morgun flutti þyrla íbúa frá Grundafirði vegna veikinda. Voru báðir farþegarnir fluttir á Fossvogsspítala:

„Þær voru sem sagt báðar í útköllum samtímis,“ segir Ásgeir.

Hann segir í útköll í sumar eða frá því í maí hafa verið í heildina 160:

„Þau eru þegar orðinn 20 útköllum fleiri en á sama tímabili í fyrra,“ segir hann og bætir við að árið í fyrra hafi verið metár í fjölda útkalla.

• Blogga um frétt