Gosmóða yfir suðvesturhorninu – Kröftugir strókar
Setja bókamerki
Gosmóða vegna eldgossins við Sundhnúkagíga liggur yfir suðvesturhorninu. Þótt hún sjáist mjög vel er magnið ekki það mikið að hún ætti að hafa áhrif á neinn, nema þá allra viðkvæmustu. Börn ættu þó ekki að sofa úti í vögnum.
Þetta segir Jóhanna Malen Skúladóttir, náttúruvársérfræðingur á Veðurstofu Íslands.
Búist er við því að gasdreifingin verði til vesturs í dag og til suðurs undir kvöld. Gosmóðu gæti orðið vart á Suðurlandi, jafnvel í einhverju magni. Hún getur sést auðveldlega en er þó ekki hættuleg nema í því magni sem hún mælist næst gosstöðvunum.
Hér má lesa nánar um viðbrögð við gosmengun.
Kröftugir gosstrókar
Gosstrókavirknin hefur annars verið nokkuð stöðug í nótt og hefur engin sjáanleg breyting orðið á eldgosinu frá því í gær. Gosstrókarnir eru frekar kröftugir, að sögn Jóhönnu, sem er aðeins öðruvísi en í síðustu gosum.
Hraunið virðist jafnframt ekki hreyfast hratt áfram.
Yfir 300 stæði fóru undir hraun
Sjötti ferðamaðurinn er látinn
Dómur þyngdur um þrjú ár
Hótar Bretum og Bandaríkjamönnum
Hluti bílastæðis undir hraun: Ómögulegt að meta tjón