Bókasafn Hafnarfjarðar flytur í Fjörð

Hafnarfjarðarbær hefur gengið frá kaupum á nýju húsnæði fyrir Bókasafn Hafnarfjarðar í verslunarmiðstöðinni Firði.

Rósa Guðbjartsdóttir bæjarstjóri Hafnarfjarðar, Guðmundur Bjarni Harðarson, framkvæmdastjóri 220 Fjarðar, Haraldur Reynir Jónsson stjórnarformaður og Benedikt Steingrímsson stjórnarmaður undirrituðu kaupsamninginn á fimmta tímanum í dag.

Stefnt er á að nútímavæða 102 ára gamla bókasafn bæjarins meðal annars með því að flytja það í nýtt húsnæði og laga það að breyttum kröfum og þörfum samfélagsins.

Stefnt er á að húsnæðið verði afhent bókasafninu snemma árs 2026. 

Þetta kemur fram í tilkynningu.

Frétt af mbl.is

Stórframkvæmdir í miðbæ Hafnarfjarðar

Lúxusíbúðir og verslunarrými

Húsnæðið er um 1.700 fermetrar að stærð. Þar af eru um 550 fermetrar í nýbyggingu Fjarðar við Strandgötu 26-30. Breytingarnar og uppbyggingin við Fjörð eru mestu framkvæmdir sem átt hafa sér stað í miðbæ Hafnarfjarðar í áratugi, að því er fram kemur í tilkynningunni.

Miklar breytingar munu eiga sér stað í Firðinum næstu árin þar sem 220 Fjörður byggir þar 9.000 fermetra. 

Þá verða byggðar 18 hótelíbúðir, 31 lúxusíbúð, verslunarrými og bílastæðakjallara. Í húsnæðinu verður einnig matvöruverslun og mathöll. 

Frétt af mbl.is

Byggja nýtt nútímabókasafn í miðbæ Hafnafjarðar

• Blogga um frétt