Lögreglunni á höfuðborgarsvæðinu barst tilkynning í dag um innbrot í matarvagni í miðbæ Reykjavíkur.
Meintur gerandi stal einnig greiðslukorti sem honum tókst að nota í nokkur skipti. Lögreglustöð eitt, sem sinnir útköllum í stórum hluta borgarinnar og á Seltjarnanesi, sinnti útkallinu en það er nú til rannsóknar.
Þetta kemur fram í dagbók lögreglu frá klukkan sem nær frá kl. 5 til 17 í dag.
Lögreglustöð barst einnig tilkynning um fólk sem gekk út úr verslun með hendur fullar af fötum sem voru í eigu verslunarinnar. Starfsmenn verslunarinnar voru meðvitaðir um stuldinn en fólkið fylgdi ekki tilmælum starfsmannanna að skila vörunum. Málið er nú til rannsóknar.
Þá sinnti hún einnig útköllum vegna stuldar á þremur ökutækjum og innbroti í bifreið sem reyndist vera ólæst. Málin eru nú bæði til rannsóknar.
Lögreglan í Kópavogi og Breiðholti barst tilkynning um grunsamlegar mannaferðir í hverfi 200 en aðilinn fannst ekki.
Þá barst lögreglustöð fjögur, sem sinnir útköllum í Grafarvogi, Mosfellsbæ og í Árbæ, tilkynning um innbrot í bifreið í Árbænum.