Kárhóll á uppboð 4. október

Fyrsta fyrirtaka uppboðsbeiðni Byggðastofnunar á jörðinni Kárhóli í Þingeyjarsveit og fasteignum sem á jörðinni eru var tekin fyrir hjá embætti sýslumannsins á Norðurlandi eystra sl. föstudag og var þar ákveðið að byrjun uppboðs færi fram á skrifstofu embættisins á Akureyri hinn 4. október kl. 10.

Þetta staðfesti Svavar Pálsson sýslumaður í tölvupósti til Morgunblaðsins.

Frétt af mbl.is

Kínverjar reyni að ná fótfestu með Kárhóli

Þar kemur og fram að auglýsing um byrjun uppboðs verði send til birtingar mánudaginn 30. september nk.

Tekur sýslumaður fram að honum beri að slá því á frest að uppboð hefjist, óski gerðarbeiðendur þess, en heimilt sé að fresta byrjun uppboðs um allt að einu ári.

Frétt af mbl.is

Skuld þinglýst án athugasemda

Á Kárhóli reka Kínverjar rannsóknarstarfsemi sem miðar að rannsóknum á norðurljósum. Íslenskir aðilar hafa og aðkomu að þeim í gegnum Rannís.

Lesa má meira um málið í Morgunblaðinu í dag.