Eldur kviknaði í íbúð í fjölbýlishúsi á Akranesi á ellefta tímanum í kvöld.
Frá þessu greinir Skessuhorn.
Eldurinn kom upp í Asparskógum 16 og var hann aðeins staðbundinn við eina íbúð í byggingunni. Einn var í íbúðinni þegar eldurinn kviknaði en hann komst ómeiddur frá brunanum.
Fram kemur í umfjölluninni að slökkvistarf hafi gengið vel og unnið sé að því að reykræsta íbúðina.