Töluverð kvikustrókavirkni er áfram í tveimur gígum nyrst á gossprungunni í eldgosinu við Sundhnúkagíga. Gígarnir liggja mjög nálægt hvor öðrum og eru gígbarmarnir smám saman að vaxa. 

Frétt af mbl.is

Gosmóða víða um land og hraun „bunkast upp“

Virknin er svipuð og verið hefur undanfarna daga, að sögn Bjarka Kaldalóns Friis, náttúruvársérfræðings hjá Veðurstofu Íslands.

Lítil jarðskjálftavirkni hefur verið í kvikuganginum og hefur landið haldið áfram að síga vegna þess að kvikuhólfið er að tæmast. GPS-mælar Veðurstofunnar sýna þetta.

Frétt af mbl.is

Landið seig um 40 sentimetra

mbl.is/Árni Sæberg

Engin loftmengun mælist núna, enda hægur vindur. Að sögn Bjarka er norðanátt og fýkur reykurinn því út á sjó. Seinnipartinn í dag og í kvöld snýst í vestanátt og þá gæti mengun farið yfir Suðurland.

Gróðureldar virðast sömuleiðis ekki hafa verið miklir í nótt á svæðinu við eldgosið.

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt